COP -31ന് തയ്യാറെടുക്കുക

മനുഷ്യ കേന്ദ്രീകൃത ലോകവും മുറിവുകളും ! 

FEPAD Climate Series – 1

ലോകം എങ്ങനെയാണ് കാലാവസ്ഥയെക്കുറിച്ച് സംസാരിച്ചു തുടങ്ങിയത്?

ശാസ്ത്രമാണ് ആദ്യം മുന്നോട്ടുവന്നത്.

1896-ൽ സ്വീഡിഷ് ശാസ്ത്രജ്ഞനായ സ്വാന്തെ അറേനിയസ്, കൽക്കരി കത്തിക്കുന്നത് ഭൂമിയെ കൂടുതൽ ചൂടാക്കുമെന്ന് കണക്കുകൂട്ടി കണ്ടെത്തി.

1958 മുതൽ ചാൾസ് കീലിംഗ് ഹവായിയിൽ വെച്ച് കാർബൺ ഡയോക്സൈഡിന്റെ (കൽക്കരി,എണ്ണ,വാതകം എന്നിവ കത്തുമ്പോൾ പുറന്തള്ളപ്പെടുന്ന വാതകം)അളവ് പരിശോധി ക്കുകയും അത് ഓരോ വർഷവും വർധിച്ചുവരുന്ന തായി കണ്ടെത്തുകയും ചെയ്തു.

എന്നാൽ ദീർഘകാലത്തേക്ക് സർക്കാരുകൾ ഇതിൻമേൽ ഒരു നടപടിയും എടുത്തില്ല.

ഈ പരമ്പര ആരംഭിക്കുന്നത് 1972 മുതലാണ്.കാരണം ആ വർഷമാണ് പരിസ്ഥിതിയെക്കുറിച്ച് ചർച്ച ചെയ്യാൻ ലോകത്തെ സർക്കാരുകൾ ആദ്യമായി ഒരുമിച്ചിരുന്നത്.

ആ വർഷം, സ്വീഡനിലെ സ്റ്റോക്ക്ഹോമിൽ വെച്ച് ഐക്യരാഷ്ട്ര സഭ മനുഷ്യ പരിസ്ഥിതിയെക്കുറിച്ചുള്ള(Human Environment) തങ്ങളുടെ ആദ്യത്തെ വലിയ സമ്മേളനം നടത്തി.

ആ യോഗത്തിൽ ഇന്ത്യൻ പ്രധാനമന്ത്രി ഇന്ദിരാഗാന്ധി പ്രശസ്ത മായ ഒരു ചോദ്യം ഉന്നയിച്ചു: ദാരിദ്ര്യവും ആവശ്യങ്ങളു മല്ലേ ഏറ്റവും വലിയ മലിനീകരണങ്ങൾ?

പ്രകൃതിയെ സംരക്ഷിക്കുക എന്നതിന്റെ അർത്ഥം ജനങ്ങളെ പട്ടിണിയിൽ നിർത്തുക എന്നല്ലെന്ന് ദരിദ്ര രാജ്യങ്ങൾ അന്ന് വ്യക്തമാക്കി.

ഈ നാശനഷ്ടങ്ങൾ ഉണ്ടാക്കിയത് ആര്,അതിന് ആര് വില നൽകണം എന്നത് ഇന്നും ഓരോ കാലാവസ്ഥാ സമ്മേളനങ്ങ ളുടെയും നിർണ്ണായക ചോദ്യമായി തുടരുന്നു.

1980-കളിൽ ഭൂമി കൂടുതൽ ചൂടായിക്കൊണ്ടിരിക്കുകയാണെന്ന് ശാസ്ത്രജ്ഞർ കൂടുതൽ ശക്തമായി മുന്നറിയിപ്പ് നൽകി.

ഈ ശാസ്ത്രീയ വിവരങ്ങൾ ശേഖരിക്കാനും അവ സർക്കാരു കൾക്ക് മുന്നിൽ സമർപ്പിക്കാനുമായി 1988-ൽ ഐക്യരാഷ്ട്ര സഭ ഐ.പി.സി.സി. (Intergovernmental Panel on Climate Change) രൂപീകരിച്ചു.

അടുത്തത്: എന്താണ് ഐ.പി.സി.സി., അതിന്റെ റിപ്പോർട്ടുകൾ പ്രധാനമാകുന്നത് എന്തുകൊണ്ട്?

C N ജയരാജ് 

FEPAD 
(Forum for Ecological Protection and Alternative Development)